Chialiuna

 'A luna state cantanno?

Ma addu nuie nun c'è juorno dell'anno

ca nce vase nfronte 'a sera,

manco fosseme i frate cchiù senceri.

Tene nu posto preferito

addò si iate, sicuro 'a vedite.

E'  'na spiaggia chiara, longa, 

tagliata ind' 'a muntagna comme 'na conca.

'U mare azzurro 'a bagna

e le fa da cumpagna.

'A luna esce ind' 'u cielo

e se cunnelea

comme fosse mbraccio  a mamma soia.

Nu chiarore se spanne attuorno

ca pare juorno.

'I prete janche s'arapeno a 'sta luce

e cu ll'onne rireno doce doce, 

furmanno nu paradiso p' 'i nnammurati.

Si ce iate, ve n'addunate.

A Chialiuna l'ammore nse cuntrolla

e si 'a uagliona sta teseca, ns'ammolla, 

dopo nu poco, a chillu panorama, 

è essa propete ca votte 'i mmane.

Comm'è bella 'a spiaggia lucente

ind' 'a notte d'argiento;

l'onne iocano c' 'a luce d' a luna

e tutt' 'u munno pare che llà s' 'aùna. 

(Poesia di Francesco De Luca tratta dal libro " ''all'anema ' i ponza")

Nelle foto: Isola di Ponza, Chiaia di Luna, agosto 2025)